དཔྱིད་ཀར་འབྱུང་ཁམས་གསོ་བ་ལ་ཐོག་མར་མཆིན་པའི་བདེ་སྲུང་ལ་དོ་སྣང་བྱེད་དགོས།
དུས་ཚོད། 2013-04-02 17:06:48 ཀློག་གྲངས་ཐེངས།1554

དཔྱིད་ཀར་མི་གང་མང་ཞིག་ལ་ལུས་ཤུགས་མེད་པ་དང་། མིག་རྩེད་པ། ཟས་ཟ་མར་ཡི་ག་མེད་པ། གཉིད་ཡལ་ཞིང་རྨི་ལམ་མང་བ། ཁོང་ཁྲོ་ལངས་སླ་བ་སོགས་མི་བདེ་བའི་ཚོར་སྣང་སྣ་ཚོགས་འབྱུང་སྲིད། ནད་རྟགས་དེ་དག་ནི་མཆིན་པ་མ་བདེ་བའི་མངོན་རྟགས་ཤིག་རེད། ཀྲུང་ལུགས་གསོ་རིག་ལྟར་ན། མཆིན་པ་ནི་དོན་ལྔ་ལས་ཆེས་གཙོ་བོ་ཞིག་ཡིན་པས། དཔྱིད་ཀར་མཆིན་པའི་བདེ་སྲུང་ལ་དོ་སྣང་བྱས་ན་ལོ་ཧྲིལ་བོར་ལུས་ཕུང་བདེ་ཐང་ཡོང་ཐུབ་ཟེར། ནུབ་ལུགས་གསོ་རིག་ལས། མཆིན་པ་ནི་འབྱུང་ཁམས་ཀྱི་འཇུ་བྱེད་རྙིང་ཚབ་གསར་འབྱེད་བྱེད་པའི་དབང་བོ་གཙོ་བོ་ཡིན་ཞིང་། མཆིན་པས་ལུས་ཀྱི་མངར་ཆ་དང་ཚིལ། སྤྲི་དཀར་གྱི་རིགས་བཅས་རྙིང་ཚབ་གསར་འབྱེད་བྱེད་བཞིན་ཡོད་པ་རེད། དེ་བས་མཆིན་རླུང་གིས་མ་འདང་ན་ལུས་ཡོངས་མི་བདེ་བའི་རྟགས་ཡོད་དེ། དཔེར་ན། མིག་སྐམ་ཞིང་། ཡི་ག་མེད་པ། ཐང་ཆད་པ་བཅས་འབྱུང་སྲིད། མཆིན་རླུང་རྒྱས་ན་སེམས་འཚབ་ཅིང་ཁོང་ཁྲོ་ལངས་སླ། མཆིན་རླུང་རྒྱུ་མ་ཐུབ་ན་མཚན་མོར་གཉིད་མི་ཁུག་པ་དང་། ཉིན་དཀར་ཐང་ཆད་ཅིང་ལྡབ་ལྡིབ་ངང་གནས་པས། དེ་ལ་ང་ཚོས་དཔྱིད་དུག་རྒྱག་པ་ཟེར། 

མཆིན་པར་བདེ་སྲུང་བྱེད་པའི་ཐབས་ཤེས་དང་པོ་ནི་སྐྱུར་གྱི་རིགས་ཇེ་ཉུང་དང་མངར་ཆའི་རིགས་ཇེ་མང་དུ་གཏོང་དགོས་པ་དེ་ཡིན། 

དཔྱིད་ཀའི་བཟའ་བཏུང་གི་ཐད་ནས་སྤྱིར་བཤད་ན། སྐྱུར་གྱི་རིགས་ཇེ་ཉུང་དུ་བཏང་ནས་མངར་ཆའི་རིགས་ཇེ་མང་དུ་གཏོང་དགོས་མོད། དེ་ཡང་སྤྲོ་ཐུང་ཅན་གྱི་མི་ལ་མཚོན་ནས་བཤད་པ་ཞིག་རེད། དེ་ལས་ལྡོག་སྟེ་མཆིན་རླུང་གིས་མི་འདང་བའི་མི་ལ་མཚོན་ནས་བཤད་ན། སྐྱུར་ཟས་རིགས་འོས་འཚམ་སྒོས་ཟོས་ན་མཆིན་པར་བདེ་སྲུང་བྱེད་ཐུབ། 

མཆིན་པར་བདེ་སྲུང་བྱེད་པའི་ཐབས་ཤེས་གཉིས་པ་ནི་འགུལ་སྐྱོད་མང་པོ་བྱེད་དགོས་པ་དེ་ཡིན། 

དཔྱིད་ཀར་ལུས་ཕུང་སྦྱོང་བརྡར་བྱེད་པ་དེ་ཡང་མཆིན་པར་བདེ་སྲུང་བྱེད་པའི་ཐབས་མཆོག་ཅིག་ཡིན། དེ་ལས་དཔྱིད་ཀར་རྐང་ཐང་དུ་འགྲོ་བའི་ལུས་སྦྱོང་བྱེད་ཐབས་དེ་ཆེས་འོས་ཤིང་འཚམ་པ་ཡིན།
   ལུས་ཕུང་སྦྱོང་བརྡར་བྱས་ན་ལུས་ཀྱི་ཚོ་བྱང་བར་ཕན་ཐོགས་པར་མ་ཟད། ལུས་ཚིལ་མང་བ་ལས་མཆིན་པར་ཐེབས་པའི་གནོད་སྐྱོན་འགོག་ཐུབ་ཅིང་། ཁྲག་རྒྱུན་འཁོར་སྐྱོད་བྱེད་པ་ཇེ་མགྱོགས་སུ་བཏང་ནས་མཆིན་པར་དབྱང་རླུང་མཁོ་འདོན་དང་བདེ་སྲུང་གང་ལེགས་བྱེད་ཐུབ། 

མཆིན་པར་བདེ་སྲུང་བྱེད་པའི་ཐབས་ཤེས་གསུམ་པ་ནི་དུས་ལྟར་ངལ་གསོ་རྒྱུ་དེ་ཡིན། 

ཉིན་རེར་ངལ་གསོ་ལེགས་པོ་བྱས་ན་མཆིན་པར་བདེ་སྲུང་གང་ལེགས་ཞིག་བྱས་ཡོད་པ་རེད། ཀྲུང་ལུགས་ཀྱི་རྩ་ལ་བརྟག་པའི་རིག་གཞུང་ལྟར་ན། ཉིན་རེའི་དགོང་མོའི་དུས་ཚོད་བཅུ་གཅིག་ནས་ཐོ་རེངས་ཀྱི་དུས་ཚོད་གསུམ་བར་དེར་གཉིད་བཟང་པོ་ལོག་ན་མཆིན་པའི་བྱེད་ལས་ལ་བདེ་སྲུང་གང་ལེགས་བྱེད་ཐུབ་ཟེར།


རིགས་མཐུན་ནང་དོན།
  • དུས་ཚིགས་དང་མཐུན་པའི་སྤྱོད་ལམ་བསྟེན་ཚུལ།
  • སྨན་རྫས་ཀྱི་སྨན་ལོག་ཇི་ལྟར་སྔོན་འགོག་བྱེད་དགོས།
  • ཁྱིམ་དུ་སྨན་ཉར་ཚགས་བྱེད་སྐབས་དོན་ཚན་འགའ་ལ་ཡིད་འཇོག་བྱེད་དགོས།
  • མངལ་མ་སྦྲུམ་གོང་དང་མངལ་སྦྲུམ་པའི་སྐབས་སུ་སྦྲུམ་མས་མཉམ་འཇོག་བྱ་དགོས་པའི་སྤྱོད་ལམ་ཁ་ཤས་ཀྱི་སྐོར།
  • སྦྲུམ་མའི་འཚོ་བཅུད་སྡེབ་སྟངས།

  •  

    ༄༅།། པར་དབང་ཀྲུང་གོའི་བོད་ཀྱི་གསོ་རིག་དྲ་བར་དབང་བས་ཕན་ཚུན་གྲོས་མོལ་དབང་བཅོལ་མ་བྱས་གོང་ལ་བཀོལ་སྤྱོད་བྱས་མི་ཆོག

     E-Mail:webmaster@arura.com.cn                                Tel:0971-8201019