བྱིས་པའི་བཟའ་བཏུང་བཀོད་སྒྲིག་བྱེད་པའི་རྩ་དོན།
དུས་ཚོད། 2012-08-31 14:59:26 ཀློག་གྲངས་ཐེངས།1725
དང་པོ། བཟའ་བཏུང་བཀོད་སྒྲིག་བྱེད་དུས་ངེས་པར་དུ་བྱིས་པ་འཚར་ལོངས་འབྱུང་བའི་དགོས་མཁོ་ལ་དམིགས་ཏེ། བྱིས་པའི་དུས་སུ་འཚར་ལོངས་འབྱུང་བ་ཤིན་ཏུ་མྱུར་ཕྱིར། ཉིན་རེར་ངེས་པར་དུ་འཚོ་བཅུད་དངོས་རྫས་མང་པོ་བསྡུ་ལེན་བྱ་དགོས་ལ། ལྷག་པར་དུ་སྤྲི་དཀར་དང་སྐྱེ་མེད་ཚྭ་སོགས་ཀྱིས་ལུས་པོའི་གྲུབ་ཚུལ་ལ་མཁོ་འདོན་བྱ་དགོས་ཤིང་། འཚོ་བཅུད་གཞན་པ་ཡང་འོས་འཚམས་ཀྱིས་ཇེ་མང་དུ་གཏོང་དགོས།
   གཉིས་པ། བཟའ་བཏུང་གང་ཉིད་འཇུ་ཐུབ་མིན་ལ་བལྟ་དགོས། ལོ་ཚོད་ཇི་ལྟར་ཆུང་ན་དྲོད་ཚད་དེ་ལྟར་མཐོ་དགོས་ལ། ཟས་འཇུ་བའི་ནུས་པའང་དེ་ལྟར་ཆུང་བ་ཡིན། སྤྱིར་བཏང་དུ་བྱིས་པར་གཤེར་ཟས་ཀྱི་རིགས་འཕྲོད་ཅིང་། རིམ་གྱིས་ཟས་རིགས་སྲ་མོ་རུ་བསྒྱུར་དགོས།
   གསུམ་པ། འཚོ་བཅུད་ཆ་ཚང་ཡིན་དགོས་ལ་སྡེབ་ཁ་ལུགས་དང་མཐུན་པ། བསྡུར་ཚད་འོས་འཚམ་བཅས་ཡིན་དགོས། བཟའ་བཏུང་བཀོད་སྒྲིག་བྱས་པ་དོ་མཉམ་ཡིན་དགོས་ཏེ། དཔེར་ན་སྤྲི་དཀར་ཟས་རིགས་དང་ཐན་ཆུའི་འདྲེས་སྦྱོར་དངོས་རྫས་ཟས་རིགས་ཁོ་ན་སྤྱད་ན། བསྡུར་ཚད་ཉམས་ནས་འཚོ་བཅུད་ཞན་པའི་ནད་རིགས་འབྱུང་སྲིད།
   བཞི་བ། བཟའ་བཏུང་གཡོས་སྦྱོར་བྱས་པ་ཞིབ་ཚགས་ཡིན་དགོས་ལ། བྲོ་བ་དང་ཁ་དོག དྲི་མ་སོགས་མཉམ་དུ་ལྡན་པར་བྱས་ཏེ། བྱིས་པའི་ཟས་ཀྱི་ཡི་ག་བསྐྱེད་དགོས། ཟས་ཀྱི་ཡི་ག་ལེགས་ན་མང་དུ་ཟ་ནུས་ལ་འཇུའང་སླ་བ་ཡིན།
   ལྔ་བ། བཟའ་བཏུང་གང་ཉིད་འཕྲོད་བསྟེན་གྱི་རེ་བ་དང་མཐུན་དགོས་ལ། དུས་མཚུངས་སུ་བཟའ་བཏུང་གི་གོམས་གཤིས་ལེགས་པོ་ཞིག་ལྡན་དགོས།
བྱིས་པར་འཁྱགས་ཟས་མང་པོ་ཟ་རུ་འཇུག་མི་རུང་།
བྱིས་པས་འཁྱག་ཟས་མང་པོ་ཟོས་ན་མི་ལེགས་ཏེ། རྒྱུ་མཚན་ནི་ཁོ་ཚོའི་ཕོ་རྒྱུའི་རྩི་པགས་ཅུང་སྙི་མོ་ཡིན་པས་དྲོད་འཁྱག་གི་རིགས་དེ་ལ་ཤིན་ཏུ་གནོད་པས། གལ་ཏེ་འཁྱགས་ཟས་མང་པོ་ཟོས་ན་ཕོ་རྒྱུའི་ཁྲག་རྩ་གློ་བུར་དུ་སྐྱུང་འགྲོ་བ་དང་། ཕོ་བའི་ཟགས་ཁུ་ཇེ་ཉུང་དུ་འགྲོ་ལ་འཇུ་སྟོབས་ཉམས་ཏེ། འཇུ་སྟོབས་མི་ལེགས་པ་དང་ཕོ་ཚད་གཅོང་ནད། གྲོད་པ་བཤལ་བ་སོགས་ཀྱི་ནད་རྟགས་འབྱུང་། གལ་ཏེ་ཐེངས་གཅིག་ལ་འཁྱག་ཟས་མང་པོ་ཟོས་ན་ཕོ་བར་ཟུག་གཟེར་ལངས་ནས་ན་ཟུག་ཆེན་པོ་འབྱུང་བ་ཡིན། གལ་ཏེ་བྱིས་པའི་ཁ་སྐོམ་ཚེ་རབ་ཡིན་ན་ཆུ་ཁོལ་མང་དུ་འཐུང་བ་ལས་འཁྱག་ཟས་རིགས་མ་ཟོས་ན་ལེགས།


རིགས་མཐུན་ནང་དོན།
  • དགུན་ཁར་ལུས་སྟོབས་གསོ་བའི་ཐབས་དམ་པ་དྲུག
  • དགུན་ཁའི་ཟས་མཆོག་སུར་པན།
  • བཟའ་བཏུང་བསྟེན་ཚུལ་ཕྱོགས་ཀྱི་ཤེས་བྱ།
  • ཟས་ཉུང་ཙམ་ཟོས་ན་རྒས་མི་སླ་བ་ཡིན།
  • ཚྭ་ཡི་ཕན་ཡོན་འགའ།

  •  

    ༄༅།། པར་དབང་ཀྲུང་གོའི་བོད་ཀྱི་གསོ་རིག་དྲ་བར་དབང་བས་ཕན་ཚུན་གྲོས་མོལ་དབང་བཅོལ་མ་བྱས་གོང་ལ་བཀོལ་སྤྱོད་བྱས་མི་ཆོག

     E-Mail:webmaster@arura.com.cn                                Tel:0971-8201019