དུས་དོན་ཁམས་དང་རྩ་སྦྱར་བ་དང༌།
དུས་ཚོད། 2012-09-11 16:12:47 ཀློག་གྲངས་ཐེངས།1557

ཡང་བཀྲ་ཤིས་དཔལ་བཟང་པ་ན་རེ། དབོ་དང་ནག་པ་ས་ག་དཔྱིད། །ཅེས་སོགས་དང༌། ཁྲ་དང་བྱའུ་ས་གས་ནམ་ཚོད་འཛིན། །ཞེས་རྒྱུད་ཀྱང་བཅོས་ཤིང༌། འགྲེལ་པར་ཡང༌། དཔྱིད་ཟླ་ར་བའི་ཚེས་བཅོ་ལྔ་ལ་ཁྲ་ཞེས་དབོ་ཡིས་ནམ་ཚོད་འཛིན་པ་དེ་ནམ་སྐྱེལ་ཞེས་སོགས་བཤད་ཟིན་ནས། རྗེས་སུ་དེ་ཉིད་འཁྲུལ་པའི་རང་ཚང་རིག་ནས། རྟ་པ་ཁྲ་དང་བྱའུ་དཔྱིད་ཅེས་སོགས་བསྒྱུར་མོད་ཀྱང་བྱང་པ་བདག་པོའི་རྗེས་སུ་འབྲངས་པ་ཙམ་མ་གཏོགས་ཁུངས་དང་རྒྱུ་མཚན་གཞན་མི་སྣང་ཞིང༌། འགྲེལ་པར་ནི་ལུགས་སྔ་ཕྱི་གཉིས་ཀ་བྲིས་སྣང་བས་འགལ་བའི་ཁུར་པོས་ངལ་བར་མ་གྱུར་གྲང༌། དེར་མ་ཟད། རྒྱ་ནག་ལོ་འགོ་སྟག་ནས་རྩོམ་ཞེས་པ་དང༌། ལོ་འགོ་བྱི་བ་ཟླ་འགོ་སྟག ཅེས་པའང་འགལ་སྣང་ངོ༌། །བྱང་པ་ཐུགས་རྗེ། དཀོན་ཅོག་བདེ་ལེགས། མཚོ་སྨད་པ་རྣམས་ཀྱིས་འཁྲུལ་པའི་རི་མོ་མང་དུ་བཀོད་པ་མཐའ་དག་ལ་དཔྱོད་པ་ནི་བློ་གྲོས་ཀྱི་གྲོན་དུ་སྣང་བས་སྤྲོས་པ་མ་བྱས་སོ། །

གཉིས་པ་གཞུང་དོན་ལ། དུས་དོན་ཁམས་དང་རྩ་སྦྱར་བ་དང༌། མ་བུ་དགྲ་གྲོགས་བརྩི་བ་གཉིས་ཀྱི་དང་པོ་ནི་དུས་བཞི་ཞེས་པ་ནས། ཕྱེ་ནས་ནི་ཞེས་པའི་བར་གྱིས་བསྟན་ཏེ། དེ་ལ་འདིར་དཔྱིད་ཟླ་ར་བར་འཁྲུལ་མེད་དུ་ངོས་མ་ཟིན་ན་དུས་རྩ་ངོས་མི་ཟིན། དུས་རྩ་ངོས་མ་ཟིན་ན་ནད་དང་ནད་མེད་ཀྱི་རྩ་གང་ཡིན་ངོས་མི་ཟིན་པ་ཆོས་ཉིད་དུ་འདུག་པས། གཞུང་གི་འབྲུ་རེ་རེ་ནས་ནས་མི་བསྣོན་པར་ཅུང་ཟད་ཕྱེ་ནས་བཤད་པར་བྱའོ། །


རིགས་མཐུན་ནང་དོན།
  • ༄༅། །དཔལ་ལྡན་རྒྱུད་བཞིའི་འགྲེལ་ཆེན་མེས་པོའི་ཞལ་ལུང་རྩོམ་པ་པོ་གཉིས་ཀྱི་རྣམ་ཐར་མདོར་བསྡུས་སུ་བཀོད་པ་བཞུགས་སོ།།

  •  

    ༄༅།། པར་དབང་ཀྲུང་གོའི་བོད་ཀྱི་གསོ་རིག་དྲ་བར་དབང་བས་ཕན་ཚུན་གྲོས་མོལ་དབང་བཅོལ་མ་བྱས་གོང་ལ་བཀོལ་སྤྱོད་བྱས་མི་ཆོག

     E-Mail:webmaster@arura.com.cn                                Tel:0971-8201019